Посебен режим на сообраќај во Скопје, во посета доаѓаат Претседателката на Словачка и Претседателот на Италија

Министерството за внатрешни работи ја информира јавноста дека на 06.09.2022 (вторник) и на 07.09.2022 (среда) во официјална посета на Република Македонија ќе престојува претседателката на Словачка, Зузана Чапутова.

На 08.09.2022 (четврток) и 09.09.2022 (петок) во официјална посета на Република Македонија ќе престојува претседателот на Италија, Серџо Матарела.

Од тие причини Одделението за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Скопје.

МВР апелира до граѓаните да ги почитуваат наредбите што ги издаваат полициските службеници