Директорот на АД ЕСМ Ковачевски на средба со делегација од енергетскиот сектор на Словачка

Генералниот директор на АД ЕСМ, Васко Ковачевски, денеска присуствуваше на работен ручек со седумчлената делегација од енергетскиот сектор на Словачка, која е дел од делегацијата предводена од претседателката на Словачка Зузана Чапутова во посета на Република Македонија.

Како што соопштија од АД ЕСМ, на средбата која е на покана на словачкиот амбасадот во Македонија, биле разменети искуства од справувањето со енергетската криза, како и инвестициите и развојот на енергетскиот сектор.

Претседателот Стево Пендаровски денеска е домаќин на претседателката на Словачката Република Зузана Чапутова, која ќе престојува во официјална дводневна посета на земјава. Чапутова се сретна и со премиерот Димитар Ковачевски.