Онлајн инфо сесија за Повикот за апликации за грантови за иновативни иницијативи
Проектот „Поддршка на изборни реформи“ денеска ќе одржи онлајн инофрмативна сесија во врска со Повикот за апликации за грантови за иновативни иницијативи.
Целта на информативната сесија е поблиску да ги запознае потенцијалните апликанти со потребната документација и процедурата за аплицирање на Повикот.
Вкупната сума која е на располагање за овој повик е 6.600.000 денари, а барањето за грант треба да изнесува најмногу 300.000 денари. Апликации можат да поднесат граѓански организации (граѓански здруженија и фондации) регистрирани согласно Законот за здруженија и фондации. Крајниот рок е 30 септември до 16:00 часот.
Предложените иновативни иницијативи треба да идентификуваат проблем во заедницата за кој било ветено решавање или решение за кое било ветено остварување (во изборната програма) од страна на локалната власт и/или е вклучено во тековната програма на локалната самоуправа, и да ја мобилизира заедницата да ги потсети локалните власти на нивните дадени ветувања.
Апликантот треба да избере област/тема која била ветена за време на локалните избори во 2021 година, да провери дали областа/темата е внесена во работниот план и буџетот на ЕЛС за 2022-ра и да ги организира активностите околу таа тема. Времетраењето на иновативните иницијативите треба да биде помеѓу четири и шест месеци.
