Санкционирани 174 возачи во Скопје

На територија на град Скопје вчера изречени се 174 мерки меѓу кои 10 санкции за брзо возење, 13 мерки за возење без возачка дозвола, две санкции за возење под дејство на алкохол и осум санкции за возач почетник.

Министерството за внатрешни работи денеска соопшти дека изречени се и 11 мерки за користење мобилен телефон при возење, 14 санкции за технички неисправни и нерегистрирани возила, три мерки за вградени неатестирани фолии (затемнети стакла) и 11 мерки за минување на црвено светло.