Изгоре куќа во Василево

Во пожар кој избувнал претпладне во 10:20 часот целосно изгоре покрив и спрат од семејна куќа во село Василево.

Според информациите од ТППЕ Струмица, пожарот бил голем и тежок за гаснење, а пожарникарите успеале да го изгаснат дури во 13:50 часот.

-Во гаснењето учествуваа девет пожарникари и четири противпожарни возила. Најважно е што нема повредени и што не дозволивме пожарот да се прошири и да ги зафати соседните куќи, информираа од струмичката против пожарна единица.

Според првичните информации причинета е голема материјална штета, а причините за пожарот дополнително ќе се утврдуваат.