Приведен дилер во Скопје, пронајдена дрога

На ул.„Коста Новаковиќ“ во Скопје вчера во 14.45 часот, полициски службеници од Единицата за недозволена трговија при СВР Скопје го привеле М.П.(19) од Скопје.

При претрес во неговиот дом, извршен со судска наредба, соопштија денеска од МВР, биле пронајдени и одземени марихуана и дигитална вага.

Тој бил приведен во полициска станица и по целосно документирање на случајот против него ќе биде поднесена соодветна пријава.