Санкционирани 121 возач поради непрописно престигнување

Министерството за внатрешни работи соопшти дека во текот на вчерашниот ден во периодот од 14 до 19 часот спровело зајакната акциска контрола за санкционирање на возила кои непрописно престигнуваат на територијата на Република Северна Македонија, при што санкционирани се 121 возач.

Од нив, како што посочуваат од МВР, 32 на територијата на СВР Тетово, 29 на територија на СВР Охрид, 18 возачи непрописно престигнувале на територијата на СВР Битола… За време на контролата биле санкционирани и 142 останати прекршоци.

Од МВР информираат дека засилените акциски контроли продолжуваат и во наредните денови и апелираат сите учесници во сообраќајот да ги почитуваат сообраќајните правила и прописи.