Конкурс на Уметничката галерија Тетово за изработка на скулптура

Уметничката Галерија Тетово отвори конкурс и ги повикува сите заинтересирани уметници да се пријават за изработка на скултура со висина од 200 сантиметри. Галеријата со овој конкурс се обврзува за избраниот уметник да обезбеди работна просторија каде ќе ја изработи скулптурата, материјали за реализација, превоз, сместување и исхрана.

–Уметничка Галерија Тетово отвори конкурс за реализација на една скулптура ЦИРКУС СЛОН со употреба на метал, метални парчиња, железни профили, плочки и друго. Скулптура треба да биде висока 200 сантиметри. Право на конкурирање имат сите уметници самостојно или во група составена од повеќе уметници. Учесниците на конкурсот се обвзуваат да достават идејна макета на делото или видео идеа во 3D форма, информираат од Уметничка галерија Тетово.

Тричлена комисија на установата ќе го изврши изборот за најдобро дело. На уметникот кој е автор на избраното дело ќе му биде доделена награда во износ од 60.000 денари.

Конкурсот е отворен до 18 ноември.