ССМ: Управниот одбор го поништи решението за отказ од работа на претседателот на синдикатот на „Водовод“

Сојузот на синдикати на Македонија денеска соопшти дека решението за престанок на работниот однос на претседателот на синдикалната организација на „Водовод и канализација“ е поништено од страна на Управниот одбор на претпријатието.

– На вчерашната седница, Управниот одбор на ЈП Водовод и канализација Скопје по грижливо оценување на доказите и утврдување на фактичката состојба, едногласно донесе Одлука со која приговорот на претседателот на Синдикалната организација при СУТКОЗ во ЈП Водовод и канализација Скопје, Стојанче Кашиковски се уважува и Решението за изрекување на дисциплинска мерка – престанок на работниот однос се поништува, а предлогот за поведување на дисциплинска орговорност се одбива како неоснован, се вели во соопштението.

Од ССМ посочуваат дека досега, од страна на Управниот одбор, Државниот инспекторат за труд и Државниот управен инспекторат се констатирани низа неправилности во работењето на в.д директорот Марјан Митовски и му се поништени сите одлуки и решенија што ги носи.