Санкционирани 188 возачи во Скопје, 18 за брзо возење
Министерството за внатрешни работи во текот на вчерашниот ден продолжи со засилените акциски контроли во областа на сообраќајот. На територија на град Скопје, како што соопшти, се изречени вкупно 188 мерки, меѓу кои за возење повеќе од дозволената брзина 18 санкции, три за возење под дејство на алкохол и 11 за возење без возачка дозвола.
Изречени се и шест мерки за користење мобилен телефон при возење, шест санкции за минување на затворен сигнал (црвено светло), пет мерки за нерегистрирани возила…
-Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведува МВР.
