Саем за безбедност „Живеј безбедно”

Саем за безбедност, насловен „Живеј безбедно”, денеска од 12 часот во „Сити мол“ организира Комората за приватна безбедност, во соработка со Министерството за внатрешни работи, СВР Скопје – Оддел за превенција.

Настанот е дел од активностите на годишната кампања „Денови на приватно обезбедување 2022“ која Комората ја организира по петнаесетти пат. На саемот ќе се претстават компании чија дејност е приватно обезбедување во вид на давање услуги и полициски службеници кои ќе претстават дел од своите секојдневни активности.

-Целта на саемот е да ја продлабочи соработката помеѓу вршителите на јавната и приватната безбедност, поблиску да се претстави до граѓаните и да придонесе за прогрес на безбедноста во секојдневното живеење, соопшти Комората за приватна безбедност.

Најавени се обраќања на министерот за внатрешни работи Оливер Спасовски, претседателката на Комората, Верица Милеска-Стефановска, и проф. д-р Марјан Ѓуровски од Институтот за безбедност, одбрана и мир при Филозофскиот факултет во Скопје.