Руските сили продолжуваат со притисокот во источна Украина, тврдат украински претставници

Руските сили ги продолжуваат нападите во Донбас во источна Украина, каде Москва собира дополнителни борбени сили за очекуваната офанзива во наредните недели, соопштија денеска украинските официјални претставници.

Борбите, кои траат со недели, продолжија и денеска околу градот Бахмут и околните градови Соледар и Уледар, соопшти кабинетот на украинскиот претседател. Тие градови се во регионот Доњецк, кој заедно со соседниот Луганск го сочинуваат Донбас, индустриска област која се граничи со Русија.

„Борбите во тој регион се интензивираат“, рече гувернерот на Доњецк , Павло Кириленко во телевизиска изјава, додавајќи дека Русите воведуваат нови единици во борбите и уништуваат украински градови и села.

Гувернерот на Луганск, Серхи Хаидај изјави дека има помалку артилериски напади во областа бидејќи „Русите штедат муниција за офанзива од големи размери“.

Воените аналитичари велат дека руските сили можеби ја испитуваат одбраната на Украина барајќи слаби точки или можеби прават привиден напад додека се подготвуваат за главен удар низ јужна Украина