Пуштена во употреба пешачко - велосипедската патека Петровец - Ржаничино
Градоначалникот на Општина Петровец Борче Митевски денеска ја пушти во употреба пешачко - велосипедската патека која ги поврзува двете најголеми населени места во Општина Петровец, Петровец и Ржаничино. Како што информираат од општинската прес-служба, на свеченоста присуствуваа претседателот на ВМРО - ДПМНЕ Христијан Мицкоски, пратеничката во македонското Собрание Марија Петрушевска, претседателот на Совет на Општина Петровец Блаже Никчевски, советниците од Советот на Општина Петровец, како и голем број на претставници на бизнис секторот и жители од општината. Пешачко - велосипедската патека е во должина од 2050 метри и ширина од три метри. Финансиските средства во износ од 23.000.000 денари во целост се обезбедени од Буџетот на Општина Петровец.
