Во пристаништето во Единбург силните ветришта искосија истражувачки брод, 25 лица повредени

Најмалку 25 лица денеска се повредени кога огромен истражувачки брод, поради силните ветрови, се накоси додека беше прикотвен во пристаништето во Единбург.

Снимки од британските медиуми покажуваат дека бродот „Петрел“ се навалил под агол од 45 степени.

Службите за итни случаи соопштија дека се повредени 25 лица.

Лондонскиот таблоид „Сан“ пишува дека има и исчезнати лица.

Бродот е дел од имотот на починатиот ко-основач на Мајкрософт, Пол Ален.