Стипендија од Општина Бутел за Марио кој освои бронзен медал на специјаните олимписки игри во Берлин

МАГИЈАТА НА ОЛИМПИСКИОТ МЕДАЛИСТ МАРИО Е НАГРАДЕНА

Марио ни беше домаќин и топло не пречека, а ние му го честитавме големиот успех. Тој е шампион во вистинска смисла на зборот !

Од се срце сакам да го поздравам лавовскиот подвиг на големиот Марио Мицковски од Бутел кој го постигна на последната Специјални Олимписки Игри.

Марио заедно со олимпискиот медалист Дејан Георгиевски разговараа и разменија искуства за олимписките достигнувања.

Општина Бутел обезбеди парична награда во висина од 60.000 денари и највисока месечна спортска стипендија од прва категорија во висина од 12.000 денари.

Марио освои бронзен медал на специјаните олимписки игри во Берлин. Медалот е освоен во пливање, дисциплина 100м слободен стил.

Мора да се напомене дека Марио на минатите специјални олимписки игри во Лос Анџелес и Дубаи се закити со медали.

Марио е најпозитивното и најмило дете што сум го сретнал, тој е јасен пример дека спортот го разубавува животот, Марио често не носи во димензии каде што сме биле убедени дека не можеме да стигнеме.

Упорноста и храброто срце на Марио буткаат големи препреки, ја прават Македонија горда и директно допринесуваат Општина Бутел да остане најспортскта општина во државата.

Наскоро Општина Бутел дополнително ќе го вреднува успехот на Марио.

ЈУНАК