За протестот во Комунална Хигиена и за хаосот со ѓубрето во Скопје на Арсовска и е крив Мицкоски

Градоначалничката на Град Скопје, Данела Арсовска вечерва по седницата на Кризниот штаб информираше дека скопските јавни претпријатија се излезени на терен и активно се работи на расчистување на сметот.

Јавното претпријатие „Комунална хигиена“, каде неколку дена има протест поради што не се собира сметот, според Арсовска, веќе е во нормала и функционира смената. - Се надеваме дека веќе од утре ќе работи со целосен капацитет, изјави Арсовска.

Во изјава за медиумите, Арсовска обвини дека мафијашки структури неколку дена ја блокираат работата на ЈП „Комунална хигиена“ поради лични интереси.

- Се работи за лица кои повеќе од 15 години работеле само една смена и тоа трета смена во претпријатието спротивно на закон и на колективниот договор. Поголем дел од нив кои биле вработени на овој начин воопшто не се појавувале на своите работни места и не ги извршувале своите работни обврски. Сега дел од истите ја блокираа работата на комуналното претпријатие и не дозволуваат сите останатите 1.300 вработени да можат да ја извршуваат својата работа. Иако нема законски најавено штрајк, иако поголем дел од овие лица повеќе не се вработени во ова претпријатие, тие сепак извршија мафијашка блокада, рече Арсовска.

Според Арсовска, оваа ситуација ја искористиле градоначалниците од ВМРО-ДПМНЕ за ситни политички поени, а на лидерот на ВМРО-ДПМНЕ, Христијан Мицкоски му порача дека вечерва е разобличен со тоа што сака да креира проблеми, а потоа да се претставува дека ги решава.

Презентираше документ на којшто се гледа дека од една фамилија во „Комунална хигиена“ биле вработени над 40 лица, а од друга фамилија над 30 лица