Стефковски ги пречека првачињата во ООУ Крум Тошев во Трубарево

Градоначалникот на општина Гази Баба Бобан Стефковски во објава на својата официјална страна на фејсбук информира дека по повод почетокот на учебната година присуствувал и им посакал добредојде на првачињата во ООУ Крум Тошев во Трубарево.

Во објавата градоначалникот Стефковски напиша:

ДОБРЕДОЈДЕ ЗА ПРВАЧИЊАТА ВО ООУ КРУМ ТОШЕВ.

Ми беше задоволство утрово да присуствувам на приредбата во ООУ Крум Тошев во Трубарево со цел заедно да им посакаме добредојде на првачињата.

Од срце посакувам денешната неизмерна детска среќа да ги води учениците во текот на целата учебна година.

На учениците им посакав да бидат добри деца и ученици за да ги оправдаат очекувањата на заедницата и општеството.

Нас ни останува обврската да креираме услови за подобро образование и воспитание на сите деца.

Ја користам оваа прилика на сите ученици да посакам пред се добро здравје, а потоа и многу среќа и успех во текот на целата учебна година. – напиша Стефковски