- Во Куманово по шести пат се одржа традиционалниот спортски настан во рамки на проектот „Европска недела на спортот“, информираа од општина Куманово. Настанот се одржа на спортските терени на основното „Крсте Мисирков“.

- Активностите се во организација на Агенција за млади и спорт, во соработка со општина Куманово и општински сојуз на училиштен спорт, финансирани од Европската унија. Учествуваа околу 150 ученици од петто одделение од ова училиште, спроведувајќи активности на полигони и штафетни игри, велат од општината.

Главна цел на проектот е креирање можности и погодна средина на локално ниво, која овозможува активност преку спортско-рекреативни игри, унапредувајќи го физичкото здравје на учениците.



Автор: Администратор
Објавено на: 20/09/2023 23:19