Фестивал на виното во Скопје од 11 до 14 октомври

Врвни македонски вина на преку 40 винарии, деликатеси и богата музичка програма ќе понуди годинашниот „Виноскоп“ што ќе се одржува по тринаесетти пат од 11 до 14 октомври пред спортската сала „Борис Трајковски“ во Скопје.

-Нека оваа есен биде за паметење и возбуда со македонско вино и најдоброто од македонската и балканската музика, најавуваат организаторите на „Виноскоп“, чија примарна е подигнување на винската култура.