Протести во Тахити поради изградба на судиска кула за ОИ 2024

Околу 500 луѓе се собраа на протестот против изградба на судиска кула во средиштето на лагуната Таехупо на островот Тахити каде ќе се одржи натпреварувањето во сурфање на Олимписките игри во Париз идната година.

Проектот за изградба на новата судиска кула со денови предизвикува несогласување на островот, поради страв на локалното население од штетното влијание на проектот врз животната средина.

Алуминиумската кула треба да биде висока 14 метри, опремена со климатизирана техничка просторија за интернет за серверите, која ќе се напојува со подводен канал, како и со санитарни јазли.

Вредноста на проектот се проценува на 4.4 милиони евра.