Пуштено во употреба ново детско забавно игралиште во село Мршевци во Општина Илинден

- Општина Илинден го пушти во употреба новото детско катче во населеното место Мршевци. Од Општина Илинден соопштија дека во новото забавно игралиште за најмалите се поставени нови детски реквизити, нишалки, лизгалки, клупи,канти за отпадоци за почиста и поубава средина, нова заштитна ограда, како и терен за баскет кој е во финална фаза.

Воедно информираа дека градоначалникот на Општина Илинден, Александар Георгиевски го посетил игралиштето и истакнал дека Општината работи на изградба и реконструкција на детски игралишта.

Целта е најмладите жители од сите населени места во општината да добијат убаво и безбедно место за игра и забава, каде ќе можат да го поминуваат слободното време. Тие најавија дека Општина Илинден и во наредниот период ќе продолжи со поддршка на спортот и реализација на инвестиции во спортската инфраструктура и во останатите населени места.