Косовски иселеник подигна биста на премиерот Курти во своето село кај Подујево

Биста на актуелниот косовски премиер, Албин Курти е откриена денеска во селото Перане, во општина Подујево, во североисточно Косово, јави дописникот на МИА од Приштина.

Нарачател и финансиер на бистата е косовскиот иселеник Сабахудин Ука, кој живее и работи во Шпанија, а бистата на Курти, во природна големина, на чиј постамент пишува „Албин Курти – последна надеж“, ја постави на влезот во дворот на неговата куќа во родното село.

При денешната инаугурација на споменикот на косовскиот премиер беше организирана и пригодна свеченост, на која присуствуваа жители на селото, кои, како што јавија медиумите, поведоа и оро околу бистата.

Ука, познат во селото со прекарот „Пољак“, изјави за медиумите дека бистата не ја сработил сам, туку ангажирал професионални скулптори, а целата инвестиција го чинела околу 50 илјади евра