Структури и партиски членови на ДУИ од Сарај преминаа во партијата на Изет Меџити
На партијата на Изет Меџити, односно Демократското движење, денеска и се приклучија структури на Демократската унија за интеграција од Сарај, објави Меџити на својот Фејсбук профил.
Меѓу личностите кои му се придружуваат на Изет Меџити се голем број носители на политичкото делување на ДУИ во огранокот Сарај, а меѓу нив се:
Мухамед Рама, претседател на подогранокот Радуше, поранешен претседател на Советот на Општина Сарај, актуелен општински советник, Зухејр Реџепи, член на огранокот на Сарај од Горно Свиларе, Насер Мухареми, поранешен претседател на подогранокот на Долно Свиларе, основач на ДУИ и поранешен борец, додека сличен чекор има и поранешниот портпарол на Огранокот на ДУИ во Сарај, познатиот новинар Африм Таналари.
На Демократското движење се приклучија и Селајдин Белули, член на подогранокот Сарај од формирањето на ДУИ, Мухамед Елмази, претседател на подогранокот Сарај и член на Генералниот совет на ДУИ, а во моментов советник во Град Скопје, Арсим Рустеми, член на огранокот во Сарај од подогранокот од Арнаќија и Ајрула Мустафа, член на огранок Сарај од подогранок Семениште.
Демократското движење под наслов: „Чесното патување продолжува“ соопштува дека за координатор на Демократското движење за огранокот во Сарај го назначува Мухамед Елмази, советник во Град Скопје, економист и докажан политички активист, додека Мухамед Рама е именуван за заменик координатор, Претседател на Советот на Општина Сарај, магистер по политички науки и истакнат политички активист.
