Мареј: Се надевам дека ќе добијам можност уште еднаш да играм на Олимписките игри

Британскиот тенисер Енди Мареј се надева дека ќе игра на Олимписките игри во Париз, јавува денеска Би-би-си.

Мареј пред два дена посочи дека влегува во „последните неколку месеци“ од кариерата.

- Се надевам дека ќе добијам шанса повторно да се натпреварувам на Олимпијадата, рече тенисерот, која освои златни медали во сингл на Олимписките игри во Лондон 2012 и Рио де Жанеиро 2016 година.

Мареј, кој е трикратен Гренд слем шампион, беше опериран на колкот на крајот на јули 2019 година. Британскиот тенисер сезонава одигра седум меча, а оствари само две победи и пет порази. Моментално е на 67. место на АТП листата.

- Кога ќе дојде време, веројатно ќе кажам нешто пред да го одиграм последниот меч на последниот турнир, изјави Мареј, која моментално настапува на АТП турнирот во Дубаи.

Британецот денеска игра против францускиот тенисер Уго Амбер во осминафиналето на турнирот.

Олимписките игри во Париз ќе се одржат од 26 јули до 11 август.