Габриел го предложи новиот состав на Бугарската влада

Предложив состав на кабинет во кој нема ниту едно непознато име, изјави пред новинарите кандидатката за премиер на ГЕРБ-СДС, Марија Габриел, откако на претседателот Румен Радев му го врати понудениот мандат за формирање влада.

„Јасно кажав дека последните девет месеци работев само за едно – заштита на интересите на Бугарија, таа повеќе од секогаш има потреба од стабилна влада. При предложувањето на составот на владата, пристапив со одговорност, која е моја одговорност пред бугарските граѓани, упатувам барање во исто време одговорноста да биде споделена, рече Габриел.

Меѓу предложените имиња за министри во новиот состав на кабинетот на Габриел го нема името на досегашниот министер за одбрана Тодор Тагарев, на чие место е предложен Христо Гаџев.