Разочараниот Тен Хаг: Лесно можеме да обвиниме фудбалер, но ова е тимска игра

Менаџерот на Манчестер Јунајтед, Ерик тен Хаг, тешко наоѓаше зборови откако неговиот тим синоќа загуби со 3:4 од Челси.

„Црвените ѓаволи“ водеа со 3:2 до последните секунди, но примија два гола длабоко во судиското продолжение и заминаа поразени од „Стемфорд Бриџ“.

-Почнавме лошо и не се браневме како што треба. Но, видовте дека после тоа почнавме да доминираме. Нашата игра беше блескава и заслуживме да победиме. Не можеме да дозволиме туку така да ја испуштиме победата. Мора да научиме да ги контролираме натпреварите. Лесно можеме да обвиниме фудбалер, но ова е тимска игра. Кога станува збор за хаос, целиот тим мора да се справи со тоа, а ние донесовме погрешни одлуки и не си помагавме. Ни недостигаше концентрација во играта без топка и тоа се покажа фатално, изјави Холанѓанецот веднаш по мечот. Тен Хаг додаде дека се уште нема информации за состојбата на повредените Рафаел Варан и Џони Еванс.