Издавањето на мемоарите на Ребел Вилсон одложено во Британија и Австралија

Иако веќе наголемо се продаваат во САД, објавувањето на мемоарите на Ребел Вилсон е одложено во Велика Британија и нејзината родна Австралија.

Книгата „Подемот на Ребел“ (Rebel Rising) беше објавена во САД на 2 април. Во неа, глумицата раскажува како ја изгубила невиноста на 35 години, како холивудските раководители се обиделе да ја спречат да ослабне и за наводното тормозење од британскиот комичар Саша Барон Коен.

Издавачката куќа „Харпер Колинс“ ја објасни промената на датумите на издавање.

Новиот датум на излегувањето на 'Подемот на Ребел' во Велика Британија сега е 25 април, но сè уште нема одреден датум за објаувањето во Австралија, соопшти издавачката куќа за списанието „Хело“ (Hello).

Оттаму одбиваат да дадат коментар за каква било можна правна реакција на Барон Коен.