Нимфоманија: Желба или болест?
Нимфоманија е дефинирана како претерана желба за секс кај жените. Понекогаш може да се поврзе со нецелосен развој на личност. Таквата личност е неспособна да одржува длабок, траен однос и може да одржува само површни и минливи врски. Нимфоманија е термин за жена чии сексуални нагони или сексуална активност субјективно се проценуваат дека се премногу интензивни. Зборот нимфоманија е со грчко потекло и значи „женско лудило“. Овој термин не е научно докажан затоа што не постојат специфични критериуми кои дефинираат колку сексуална желба или активност може да се дефинира како прекумерна.
Главна карактеристика на оваа состојба е претераната потреба од сексуална активност што во голема мерка влијае на другите животни активности; нема емоционална интимност и покрај честите оргазми, сексуалната активност не е задоволителна. Во денешното општество, жените со ова нарушување честопати се етикетирани и социјално дискриминирани. За многу мажи, идејата дека жената има повеќе сексуални нагони од нив претставува закана, па затоа ја користат оваа етикета за да го зачуваат своето его. Исто така, мажите кои страдаат од еректилна дисфункција, знаат како да ги обвинат своите партнерки дека се „нимфоманки“ за да ги сокријат своите стравови или чувства на помала вредност. Исто така, некои жени со намалено либидо често ја карактеризираат сексуалната желба на партнерот како премногу сексуален нагон.
Разликата е во двојните стандарди што постојат во нашето општество, каде што мажот со „прекумерен“ сексуален нагон и многу партнери се нарекува „пастув“ и ужива висока репутација, додека таквата жена се нарекува нимфоманијак, која обично има негативни конотации. Порнографските списанија, книги и филмови генерално ја имаат истата порака за сексуално незаситените жени кои не можат да одолеат на кој било машки сексуален нагон. Сепак, треба да се потсетиме дека зголемената сексуална активност од страна на мажите, исто така, се карактеризира како нарушување, и тоа е наречено сатира или хиперфилија.
Кај нас поради културното поднебје на кое се наоѓаме, на овој термин не му се дава ниту половина од неговото значење. Нимфоманија се манифестира во постојаната потреба за сексуално задоволување, без разлика дали е преку сексуален однос со маж или жена или преку мастурбација. Нимфоманците најчесто ги комбинираат сите овие форми на сексуално задоволство. Обично тие се психолошки нестабилни лица. Понекогаш нимфоманија е првиот знак на ментална болест. Некои жени ова нарушување ги води кон проституција.
