Над 70 жртви во поплавите во Пакистан и Авганистан

Најмалку 39 лица го загубија животот во силното невреме што го погоди југозападниот дел на Пакистан.

Силни поплави се забележани и во соседен Авганистан, каде животот го загубија 33 лица, а стотици куќи беа оштетени, соопштија авганистанските власти.

Најпогодена е пакистанската провинција Пенџаб, каде од петокот до неделата загинаа дури 21 лице од удари од гром.

Поплавите кои следеа го прекинаа снабдувањето со електрична енергија и транспортот, а поплавени беа и бројни земјоделски површини.

Некои од загинатите се земјоделци кои за време на невремето се нашле на полињата, јави Би-Би-Си.

Во наредните денови не се очекува стабилизирање на времето, па пакистанските власти предупредија на можност од лизгање на земјиштето и нови поплави.

Неколку провинции, исто така, прогласија вонредна состојба, а многу училишта беа затворени до средината на неделата.

Во последните години, Пакистан бележи зголемување на екстремните временски појави предизвикани од климатските промени.