Две девојчиња повредени во напад со нож пред училиште во Франција, напаѓачот уапсен

Две девојчиња на возраст од 6 и 11 години се повредени денеска во напад со нож во близина на нивното училиште во источниот француски град Суфелверсхајм, јавија француските медиуми.

Според жандармеријата, 11-годишното девојче било рането со нож пред училиштето, а другото на блискиот плоштад.

Двете имале „површни повреди“ и итно биле примени на педијатрија.

Според истиот извор, напаѓачот бил уапсен околу 14.15 часот на плоштадот. Веќе го немал ножот в рака и дозволил да биде фатен.

Жандармеријата прецизираше дека тој „не им бил познат на службите“ и дека неговите мотиви „се чини дека не се поврзани со радикализам“.