Емери останува на клупата на Астон Вила

Раководството на англискиот фудбалски прволигаш Астон Вила ја продолжи денеска соработката со тренерот Унаи Емери до крајот на 2027, објавија денеска британските медиуми.

Според „Атлетик“, Емери останува на клупата на Астон Вила како награда за добрите резултати оваа сезона на клубот од Бирмингем.

Астон Вила се пласираше во полуфиналето на Конференциската лига и во моментов се наоѓа на четвртото место на табелата во Премиер лигата, позиција која води во Лигата на шампионите следната сезона.

Атлетик објави дека сопствениците на клубот од Бирмингем планираат долгорочна соработка со Емери и го гледаат 52-годишниот шпански стратег како нова верзија на Алекс Фергусон, кој 26 години успешно го водеше Манчестер Јунајтед