Нова детска претстава на кумановскиот театар „Волшебикот од О3“

Кумановскиот театар утре со почеток во 18 часот ќе ја изведе новата детска претстава „Волшебникот од Оз“, информираа денеска од НУЦК „Трајко Прокопиев“.

Претстава ја режира Бојана Краљевска Стојков, а настапуваат актерите, Анастасија Величковиќ, Марко Трајковиќ, Александра Михајловска Величковски, Жарко Јовановиќ, Сања Русеска, Никица Јанковски.

- Очекуваме претставата добро да биде прифатена и ги покануваме децата заедно да ги откриеме тајните на зелениот свет кој ќе им го претставиме на сцената. Ним ќе им порачаме дека вистинското пријателство ги пробива најтешките и најкомплицираните граници и го победува најголемото зло, изјави режисерката.

Пораката која ја упатуваат актерите преку претставата е дека силното пријателство може да го победи секое зло. Претставата и претходно се играла на сцената на кумановскиот театар.

- Сепак, низ годините се менува публиката и секогаш е добро да се упати порака за важноста на вистинското, силно пријателство, кажа Краљевска.