Мегваер: Уништен сум!
Дефанзивецот на Манчестер Јунајтед - Хари Мегваер, призна дека многу тешко ја прифатил веста дека испадна од репрезентацијата на Англија и нема да ги претставува „трите лава“ на УЕФА ЕУРО 2024 година.
Дефанзивецот не успеа да се опорави од повредата на потколеницата и беше ослободен од менаџерот Герет Саутгејт.
-Скршен сум што не бев избран да играм за Англија на Европското првенство во лето. И покрај моите најдобри напори, не можев да ја надминам повредата на потколеницата. Можеби премногу се туркав себеси обидувајќи се да успеам. Едноставно кажано, уништен сум, напиша Мегваер на Инстаграм
