ЦСКА ќе има лиценца за Евролигата и по 2025

Рускиот кошаркарски гигант ЦСКА Москва ќе ја задржи лиценцата за настап во Евролигата и по 2025 година, објави денеска добро информираниот новинар Арис Баркас.

Московска ЦСКА е еден од 13-те клубови кои имаат постојани лиценци за учество на турнирот, кои се издаваат за период од 15 години, а треба да бидат реиздадени во 2025 година.

Поради војната во Украина, на ЦСКА Москва, како и другите руски тимови, им е забранет настап во европските купови.

Отстранувањето на ЦСКА му овозможи на францускиот Монако да го заземе местото во елитното европско клупско кошаркарско натпреварување

ЦСКА Москва е вториот најуспешен тим во историјата на Евролигата со осум титули и вкупно 14 настапи во финалето на турнирот. Последен пат московјаните станаа шампиони во 2019 година, кога во финалето го победија турскиот Анадолу Ефес со 91:83