Навивачите на Барселона донираат пари за трансфер на Вилијамс

Навивачите на Барселона почнаа да уплаќаат симболични суми на официјалната сметка на клубот на ТикТок за да соберат пари за купување на напаѓачот Нико Вилијамс (22).

Младиот крилен напаѓач на Атлетик Билбао стана една од главните мети на водечките европски клубови по одличниот настап во дресот на Шпанија на Европското првенство.

Вилијамс, кој постигна два гола, вклучувајќи го и првиот во победата на Шпанија од 2-1 над Англија во финалето, покажа одлично партнерство на теренот со напаѓачот на Барселона Ламине Јамал, кој беше прогласен за најдобар млад играч на турнирот.

Навивачите на Барселона сега сакаа да го видат напаѓачкиот тандем Јамал – Вилијамс во дресот на каталонскиот клуб.

„Потпиши Нико“, „100% ни е потребен Нико“ и „За Нико Вилијамс“ се некои од коментарите заедно со донациите на ТикТок.

Пазарната вредност на Вилијамс е околу 70 милиони евра, додека Атлетик најави дека нема да му дозволи трансфер пушти за помалку од 60 милиони евра.