Дејвис се договори за слободен трансфер во Реал Мадрид во летото 2025 година

Дефанзивецот на Баерн Минхен, Алфонсо Дејвис следното лето ќе му се приклучи на Реал Мадрид, пренесува АС.

Според изворот, „белиот балет“ летово можел да го договори трансферот на 23-годишниот Канаѓанец откако понудил 35 милиони евра за дефанзивецот, но Баерн барал 50 милиони и зделката пропаднала.

Во оваа насока, Реал Мадрид се договорил со Дејвис за слободен трансфер следното лето кога ќе му истече договорот со Баварците.

Дејвис игра за Баерн од 2019 година. Во сезоната 2023/24 одигра 42 натпревари за тимот, постигнувајќи 3 гола и 6 асистенции