Руди Фернандез по рекорден шести пат учествуваше на Олимписките игри

Шпанскиот кошаркар, Руди Фернандез постави рекорд на Олимписките игри.

Ветеранот денес беше на теренот во првото коло на олимпискиот турнир во Париз против Австралија.

За 39-годишниот репрезентативец на Реал Мадрид ова се шести Игри во кариерата. Ова е рекорд во машката кошарка.

Фернандез претходно учествуваше на олимписките турнири во Атина 2004, Пекинг 2008, Лондон 2012, Рио де Жанеиро 2016 и Токио 2020 година.

Шпанија го загуби мечот со 92:80.