Гвардиола за натпреварот со Милан: Игравме подобро од дуелот со Селтик

Тренерот на Манчестер сити, Пеп Гвардиола, го пофали настапот на тимот на пријателскиот натпревар против Милан.

Средбата се одржа вчера на стадионот „Јенки“ во Њујорк и заврши со резултат 3:2 во корист на италијанскиот клуб.

-Одигравме подобро од првиот натпревар, против Селтик, и некои играчи направија чекор напред. Генерално, се беше многу добро, сите одиграа добро против тимот кој учествува во Лигата на шампионите. Ова беше чекор напред: избегнавме повреди, играчите добија минутажа, поминавме уште еден тест и за неколку дена ќе одиме на уште еден натпревар, истакна предводникот на „Граѓаните“.

На 24 јули, Манчестер сити беше поразен од Селтик (3:4). Пред почетокот на новата сезона во Премиер лигата, тимот на Гвардиола ќе одигра уште два пријателски натпревари: против Барселона (31 јули) и Челзи (4 август).