Франција против Аргентина во големото дерби од четвртфиналето на олимпискиот фудбалски турнир

Француската олимписка фудбалска репрезентација победи со 3:0 против Нов Зеланд и го обезбеди првото место во групата А по третата последователна победа.

Во елиминациите „петлите“ за противник во големото дерби во четвртфиналето ќе ја имаат Аргентина.

Од групата излегоа и САД кои ја победија Гвинеја со 3:0 и со 6 бода се пласираа на второто место, а во четвртфиналето ќе се сретнат со Мароко.

Погодоците за Американците ги постигнаа Џорџ Михајловиќ (14) и Кевин Паредес (31, 75).