Османи разговараше со командантот на КФОР: Отворањето на мостот е во интерес на сите граѓани

Косовската претседателка Вјоса Османи денеска разговараше со командантот на КФОР Озкан Улуташ за отворањето на мостот на Ибар, при што оцени дека заедно со сојузниците се постигнува „долгорочен и одржлив успех“, како и дека отворањето на мостот е „во интерес на сите граѓани“.

-Отворањето на мостот како чин на нормализација и интеграција е во интерес на сите граѓани, без разлика на националноста. Долгорочниот и одржлив успех секогаш се постигнува заедно со сојузниците, напиша Османи на својот фејсбук-профил.

Иако неколкупати се најавуваше отворање на мостот на Ибар, ниту косовскиот премиер Албин Курти, ниту другите косовски претставници не споменаа попрецизен датум кога тоа би можело да се случи.