Ѓоковиќ се пласира во третото коло на УС Опен

Српскиот тенисер Новак Ѓоковиќ се пласираше во третото коло на Грен слемот УС Опен.

Неговиот противник, сонародникот Ласло Ѓере го предаде мечот при резултат 6:4, 6:4 и 2:0 во корист на Новак.

Мечот одигран ноќта среда кон четврток траеше 2 часа и 12 минути.

Триесет и седумгодишниот Ѓоковиќ сервираше три аса, направи 8 двојни грешки и реализираше 4 од 10 брејк топки. Неговиот противник постигна 11 аса, 1 двојна грешка и 1 конвертирана брејк-топка од 8 шанси.

Следен противник на Ѓоковиќ ќе биде Австралиецот Алексеј Попирин.

Вкупниот награден фонд на Грен слемот во Њујорк изнесува 75 милиони долари.