Србија и Црна Гора потпишаа заедничко писмо до Европската комисија за пругата Белград-Бар

Министерот за градежништво, транспорт и инфраструктура на Србија, Горан Весиќ и министерката за транспорт на Црна Гора, Маја Вукиќевиќ во Белград потпишаа Заедничко писмо до Европската комисија (ЕК) за пругата Белград-Бар. Двете земји заеднички ќе настапат пред Европската комисија и ќе побараат средства од дополнителниот фонд за развој на Западен Балкан за реконструкција на пругата меѓу Белград и Бар, јави дописникот на МИА од Белград.

-Сакаме пругата меѓу Белград и Бар да се финансира преку планот за раст на Западен Балкан. За нас во Србија таа е најприоритетна железница. После тоа доаѓа пругата помеѓу Брестовац и Прешево до Скопје, рече вчера Весиќ.

Тој додаде дека со потпретседателот на Владата на Црна Гора Милун Зоговиќ и со министерката за транспорт Маја Вукиќевиќ разговарал и за завршување на изградбата на автопатот кон Црна Гора.

-Се разговараше за можноста двете земји да настапат заедно и да се обидат да најдат партнер кој би ги изградил српските 108 километри и црногорските 50 километри, изјави Весиќ напоменувајќи дека вака се работи со Владата на Северна Македонија за железничката пруга, се наведува во соопштението на министерство за градежништво, сообраќај и инфраструктура