Монстат: Над 27 отсто од децата во Црна Гора се изложени на ризик од сиромаштија

Резултатите од најновото истражување на црногорскиот Завод за статистика (Монстат) покажуваат дека во 20,1 отсто од граѓаните на Црна Гора во 2023 година биле во ризик од сиромаштија.

Според Анкетата за приходи и услови за живеење во 2023 година речиси 60 отсто од граѓаните на Црна Гора живеат во домаќинства, кои не можат да си дозволат еднонеделен годишен одмор надвор од дома.

Според резултатите 11,3 проценти од граѓаните живеат во домаќинства кои изјавиле дека не можат да си дозволат оброк со месо, пилешко, риба (или вегетаријански еквивалент) секој втор ден.

Податоците од Анкетата за приходи и услови за живеење за 2023 година, исто така, покажуваат дека 27,3 отсто од децата на возраст до 17 години биле изложени на ризик од сиромаштија.

- Стапката на ризик од сиромаштија или социјална исклученост, како процент на луѓе кои се изложени на ризик од сиромаштија и/или се екстремно материјално и социјално лишени и/или живеат во домаќинства со многу низок интензитет на работа, во 2023 година беше 31.0 проценти. Стапката на тешка материјална и социјална депривација во 2023 година изнесува 12,3 отсто и го покажува процентот на луѓе кои живеат во домаќинства кои не можат да си дозволат најмалку седум од тринаесет ставки материјална лишување, наведува Монстат.

Податоците покажуваат и дека лани 34,2 отсто од жителите на северниот регион биле изложени на ризик од сиромаштија, додека жителите на јужниот регион имале најмал ризик од сиромаштија од 11,6 проценти.

- Во 2023 година, речиси секој трет жител на руралните средини бил изложен на ризик од сиромаштија (27,5 отсто). Стапката на ризик од сиромаштија во урбаното подрачје беше 15,9 проценти во 2023 година, истакнува Монстат.

Анкетата за приходите и условите за живеење (ЕУ-СИЛЦ) е годишно истражување кое Монстат го спроведува од 2013 година