Швјонтек ќе работи со Вим Фисет

Светскиот рекет број еден, Ига Швјонтек започна да соработува со тренерот Вим Фисет.

- Вим Фисет се приклучи на мојот тим како главен тренер. Многу сум среќна бидејќи тој е искусен тренер кој долги години работи со различни играчи. Се надевам дека ќе ми помогне да ја развивам играта во следните неколку години. Драго ми е што ја донесов оваа одлука и започнувам нова етапа. Се надевам дека ќе ме поддржите како и секогаш. Јас сум многу благодарна за ова. Поради оваа вест, ретко ќе се појавувам на интернет за да се фокусирам на работата и добро да се подготвам за завршниот турнир, изјави Швјонтек.

Таа ќе продолжи да се фокусира на долг рок.

- Многупати сум кажала дека мојата кариера е маратон, а не спринт, и работам и донесувам одлуки имајќи го на ум тој начин на размислување. Со нетрпение очекувам да работам со Вим. Има одличен пристап, визија и огромно искуство на највисокото ниво на тенисот. Секогаш е многу важно подобро да се запознаеме, но имаме добар почеток, додаде Полјачката.

Претходно, Фисет беше тренер на Ким Клајстерс, Симона Халеп, Викторија Азаренка, Анџелика Кербер, Наоми Осака, Кинвен Женг и други. Тој ја прекина соработката со Осака во септември.

Швјонтек ја раскина соработката со тренерот Томаш Викторовски пред две недели.