МЗТ Скопје и Куманово го отвораат четвртото кошаркарско коло

Со дуелот меѓу актуелниот шампион МЗТ Скопје Аеродром и Куманово утре стартува 4 коло во МТЕЛ Првата македонска кошаркарска лига.

Дуелот во салата „Јане Сандански“ е со почеток во 17:30 часот и ќе се игра без присуство на навивачи поради казната која КФСМ му ја изрече на МЗТ Скопје за минатонеделните инциденти на градското дерби против Работнички.

Саботната програма вклучува уште три дуели меѓу Шкупи – Вардар, Гостивар – Пелистер и Кожув – Тиквеш.

Прволигашкото коло ќе биде комплетирано в недела кога на програмата се пресметките меѓу Феникс – ТФТ и дербито Работнички – Чаир.

ТАБЕЛА: Чаир 2030 6, Пелистер 6, ТФТ 6, МЗТ Скопје Аеродром 5, Работнички 5, Гостивар 4, Кожув 4, Тиквеш Голден Игл 4, Феникс 2010 4, МКК Куманово 4, Вардар 3, Шкупи 3