Грег Попович се повлекува од клупата на Сан Антонио поради здравствени проблеми

Грег Попович, легендата на светската кошарка и НБА, поради здравствени проблеми се повлекува од функцијата тренер на Сан Антонио, а познато е и кој ќе го замени.

Наместо Грег Попович, на неодредено време, на клупата на НБА тимот ќе седи помошникот Мич Џонсон, објави новинарот Шамс Чарнија, кој е добро запознат со случувањата околу Лигата.

Лошата вест дојде пред натпреварот помеѓу Сан Антонио и Лос Анџелес Клиперс.

Се уште не се знае каков точно е здравствениот проблем на Попович, човекот кој освои пет титули во НБА.