Еклстоун: Невозможно е да се избере кој е најдобар, но Верстапен е неверојатен

Поранешниот шеф на Формула 1, Берни Еклстоун, го смета возачот на Ред Бул, Макс Верстапен за неверојатен.

Тој го спореди Холанѓанецот со најголемите возачи во историјата на Формула 1.

- Не знам дали ќе видиме некогаш друг Макс. Тој е посебен, вистински тркач - на сува патека или на дожд. Тој е толку силен психички. Тој секогаш сака да победува. Мислам дека Ален Прост беше толку добар колку што можеше. Немаше поддршка - од боксот или од радиото. Јохен Риндт беше многу талентиран - посебен човек, исто како Макс. Невозможно е да се избере еден, ерите беа различни, но Макс е неверојатно добар, изјави Еклстоун.

Верстапен е освојувач на шампионскиот трофеј последните три сезони во Формула 1 и е на добар пат да стигне до четвртиот трофеј во низа. зс/

Фото: ЕПА