Синер: Титулата во Италија ми значи многу

Италијанецот Јаник Синер е импресиониран по победата над Американецот Тејлор Фриц во финалето на Завршниот АТП турнир во Торино.

-Неверојатно. Ова е моја прва титула во Италија и многу ми значи. Многу посебен трофеј. Само се обидов да го играм мојот најдобар тенис. Ова беше тајната. Го одржав турнирот на многу високо ниво. На моменти играв совршено, па затоа сум многу среќен, изјави првиот светски рекет.

Синер првпат победи на Завршниот турнир. Во 2023 година стигна до финалето, губејќи од Србинот Новак Ѓоковиќ.

Италијанецот го освои осмиот турнир оваа година, вклучувајќи ги Австралија Опен и УС Опен.

Воедно, Синер стана првиот тенисер од 1986 година кој не загубил ниту еден сет на Завршниот турнир. Пред 38 години, Иван Лендл го прослави ова достигнување