Физичка пресметка меѓу татко и син во Неготинско

Пријава за физичка пресметка помеѓу татко и син во неготинско, пристигнала вчера во неготинската полициска станица, информираа денеска од СВР Велес.

– Вчера во 13.00 во Полициска станица Неготино од Итна медицинска помош Неготино било пријавено дека добиле повик од лице кое пријавило дека во село Долни Дисан, неготинско, имало физичка пресметка. По излегување на самото место, од страна на полициски службеници било констатирано дека во дворот од семејниот дом, С.Ш.(71) и неговиот син Т.Ш.(36) по кратка расправија го нарушиле јавниот ред и мир со меѓусебна физичка пресметка. По документирање на настанот против нив ќе бидат поднесени соодветни пријави, соопштија од СВР Велес.

Нешто подоцна, во 15.45 часот од страна на Територијална против пожарна единица Неготино било пријавено дека на автопат Демир Капија-Неготино кај место наречено Острово, настанал пожар на патничко возило „мазда“ со кичевски регистарски ознаки, во движење, сопственост и управувано до Г.Г.(45) од Кичево. Повредени лица нема, а пожарот бил изгаснат од екипа на Територијална противпожарна единица Неготино. Од страна на увидна екипа од ОВР Неготино бил извршен увид.