Родри: Не сум загрижен дали ќе се вратам на моето поранешно ниво

Повредата на играчот од средниот ред на Манчестер Сити, Родри, поред многумина е главната причина за проблемите на тимот во последните месеци.

Добитникот на „Златната топка“ се здоби со тешка повреда на коленото и ќе отсуствува до крајот на сезоната. Шпанецот изјави дека добро закрепнува и се надева дека ќе биде подготвен за настап во текот на летото, а можеби и ќе учествува на Светското клупско првенство во јуни и јули.

-Во моментов сум опседнат со закрепнувањето. Кога некој има долготрајна повреда, она што сака е да му дозволи на неговото тело да се опорави и да се врати на претходното ниво. Не сум загрижен дали ќе се вратам на претходното ниво. Знам каков играч сум. Знам дека повредите како оваа имаат различно влијание кога имаш 30 години. Лекарскиот тим ме увери дека не треба да се грижам за целосно опоравување. Но, кога не си на теренот шест, седум или осум месеци, не е лесно да се вратиш. Ќе одам чекор по чекор.